Zara Udkar Dekh!!

Mat baandh apne aap ko..

Tu udne aaya tha zara udkar dekh..

Hakikat ki duniya agar tujhe takleef deti hai..

To khwabo ki duniya se judkar dekh..

Thoda yakeen apne aap par kar le..

Toote khwabo ko samet aur aankho mein bhar le..

Tera bharosa teri jeet banega..

Tere muskurane se phir ek geet banega..

Bhar dum seene mein aur apne darr ko jhaad de..

Sher sa needar hoke tu bhi dahaad de..

Khushiyaan baantne mein tu sabse bada daani ho..

Mohabbat aise toot ke kar ki teri aankh mein bhi paani ho..

Zindagi roz hai, maut ek baar aani hai..

Kuch khwabo ko tu bhi sach kar teri bhi ek kahaani hai..

Ye dharti to teri shuruaat bhar thi..

Tu aasman se bhi zara judkar dekh..

Tu bechain hai, kyonki kuch adhura reh gya hai..

Aankhein bandh kar aur piche mudkar dekh..

Mat baandh apne aap ko..

Tu udne aaya tha zara udkar dekh..

-Ajay Bamel